在武漢沙士下的金融業

近來香港各行各業因疫情關係也有相應的防疫措施，金融業亦沒有例外。大部份金融機構人員平時都有在家工作(Work from home) 的技術支援，這個時間顯得特別重要。除了某些Operation的同事要返公司之外，我認識的絕大部份業界朋友都可以Work from home。就算返公司，也有一部份人要到BCP site工作(split site)，目的是減少同一地方工作所有員工同事染病的風險。聽聞業界只有JP Morgan 的員工是照常回公司上班，他們每日獲發一個口罩，喜歡帶的可以帶，也沒有硬性規定。

未來幾個月是香港上市公司的業績期，有做金融PR的朋友忙得團團轉，要做AGM 的Contingency proposal給客戶。很多人會問AGM做live streaming 及股東網上投票是否可行，但實情比你做Facebook live 難一百萬倍。同埋咁耐以來香港冇試過AGM冇Physical location，就算有一單試過有網上股東投票，不過同時也有現場投票。真係要問SFC listing rules 俾唔俾。

因為幾乎所有香港同事都在家工作，大家的老公或老婆也同時work from home，學校又停課，所以全家都屈在家裏，開會的開會、Online learning 的Online learning。Conference call的時候有小朋友尖叫聲或狗吠聲是很common的事。我最掛念的是公司的兩個大電腦screen ，在家裏望着laptop 的monitor 砌PowerPoint 睇文件睇到隻眼都跌埋出嚟。


剛剛有一個Team meeting，我才發現在家悶得發慌的不只我一個。雖然要做的工作跟平常在公司一樣，但是廿四小時困在屋裏，身心都好像堵着。老闆們開心share他們的Work from Home貼士，例如作息定時、播放輕音樂、不要穿睡衣工作等等。

我想恒生銀行的那幾位MT們也一定是因為悶得發慌，所以上個星期五去了行山，仲影相upload上social Media, tag 晒全世界。我在恒生銀行做的朋友說他們是19年入職的MT，已經收咗警告信。不過因為佢哋公司出咗一系列措施，要work from home的人證明有做嘢，呢啲咪叫累街坊。我知可能佢哋工作量唔係咁大，但係有啲嘢叫做寧俾人知、莫畀人見，正如你喺公司冇嘢做都唔會開大個Mon睇YouTube一樣。

依家最大個問題係唔知搞到幾時，越來越多Travel ban，未來幾個月的 client event, conference, offsite全部都唔知搞唔搞好。老闆一定會叫你plan住先，到最後一秒先話cancel。

最後祝大家身體健康、百毒不侵、口罩常滿！

想看更多? - Like 大投行小人物 Facebook專頁